【明報專訊】香港郵政將喺下月5日，發售一套以國學大師饒宗頤畫作同書法為主題嘅郵票同集郵品，饒宗頤特別將呢套郵票命名為「選堂筆趣」，郵票展示饒老嘅人物同山水花鳥畫作同書法作品，其中常用嘅1.7元郵票，就印上饒老1984年嘅畫作《黃海虬松圖》。各郵局由今日起，會發售以饒宗頤為主題嘅首日封。
呢套郵票原訂3月發行，但因部分郵品印刷有誤，所以要延期。其他郵票款式包括《九松羅漢》（2.2元）、《閒中有富貴 壽外更康寧》（2.9元）、《澤潤四方》（3.1元）、《摹唐人觀音》（3.7元）、《金文錄陳曼簠銘》（5元），同埋郵票小型張上嘅《荷花四屏》（10元）。
另外，郵局當時賣咗印刷有誤嘅首日封，市民如果買咗錯版首日封，可以喺下月5日或之前，去任何一間郵局退回首日封並辦理退款，或以錯版首日封換取重新印刷嘅首日封。
https://news.mingpao.com/pns/dailynews/web_tc/article/20170822/s00002/1503337820624[ 此帖被台灣人在2017-08-26 15:42重新編輯 ]
